Mín fyrsta bloggfærsla

Honum tekst alltaf að koma sér í fréttirnar, kannski þrífst hann á skilyrðislausri athygli, helst fjölmiðla, þessi óþreytandi "ástmögur Vestmannaeyja..."  - Í gær málaði hann hús einstæðs föður á Grænlandi og komst þarmeð í fréttirnar, reyndar voru fleiri þingmenn með honum að verki þar líka, en átti hann ekki hugmyndina? -  og lofaði að litast um eftir nýtilegum mótor í bát mannsins. - Nú fréttist að hann hefur tekið steinflísar ófrjálsri hendi í sjálfum Vestmannaeyjum - en ku vera búinn að skila þeim aftur á sinn stað !! Ég vona að hann sé birgur í bili af athygli - nema - að hann sé óseðjandi, blessaður maðurinn, - ég veit ekki betur en hann sé nýbúinn að stjórna enn einu brekkusöngsatriðinu og því allra-veglegasta hingað til. Ljómandi !! En einhvernveginn finnst mér eins og hann Árni Johnsen sé eins og illa uppalið dekurbarn sem kemst upp með flest, og að sumir Vestmannaeyingar séu eins og  "foreldrarnir" sem bara dýrka þennan dreng sinn og hampa endalaust !! Hvurslags eiginlega er þetta ? Æ, þetta einhvernveginn bara pirrar mig; hér á landi er fullt af fólki sem eru sannkallaðar hetjur, heiiðarlegt fólk sem stendur sig vel í ýmsu bardúsi, jafnvel vekindum, fjárhagsörðugleikum osfrv. - ég veit að ýmsir í þessum aðstæðum líða skort, en sé leitað til félags-yfirvalda með vandann, eru þar takmarkaðir sjóðir að sækja í.  

Þessvegna sárnar mér að sumir skuli komast upp með að misnota sína aðstöðu og það oft,allt á kostnað samborgara sinna. Nú hefði maður haldið að alþingismaðurinn hefði þokkalegar tekjur sér til allrar framfærslu.   Er þetta ekki að vera siðblindur ? ? Það hefði ég haldið.  Hvenær veit maður að "óþekktaranginn" krúttaralegi muni loksins vaxinn upp úr barnaskapnum? Hver mun líta nægilega vel eftir því?? Og hvenær á Ríkissjóður nóg til af fé til styrktar þeim sem eru veikir eða hafa fyrir mörgum að sjá, af lágum tekjum ?

Það þarf að fylgjast vel með til þess að þeir sem þurfa fjárstuðning geti fengið hann, og það þarf að líta vel eftir skattpeningi þjóðarinnar, að honum sé ráðstafað heiðarlega og á árangursríkan hátt.   Það eru til aðferðir til þess.

Þetta er mitt fyrsta blogg, Ætli mér verði ekki vísað út í ystu myrkur fyrir þessar athugasemdir mínar ?  Jæja, við sjáum til.    Ég meina þetta allavega vel.   

-------------------------------------------------------------------------------------------

Bloggfærsla þessi var fyrst skráð á síðu sigur.blog.is, sem athugasemd. Ég þakka eiganda síðunnar hvatninguna!

Árni skilar móbergshellum